राष्ट्रिय मेलमिलाप दिवसको अवसरमा पौष १६ गते पुनर्मिलन कार्यक्रमको आयोजना
धनकुटा । नेपाली कांग्रेस धनकुटाको पदाधिकारी बैठकले राष्ट्रिय मेलमिलाप दिवसको अवसरमा पौष १६ गते पुर्नमिलन कार्यक्रमको आयोजना गर्ने निर्णय गरेको छ । पार्टीको १४ औं महाधिवेशन पछि धनकुटा जिल्लामा सार्थक मेलमिलाप कायम गर्न पौष १६ गते पुर्नमिलन कार्यक्रमको आयोजना गर्ने निर्णय गरेको हो ।
पार्टीका जिल्ला सभापती दिनेश राईको अध्यक्षतामा बसेको बैठकले जिल्लाभरी कांग्रेसजनमा सार्थक एकता कायम गरी पार्टीलाई बलियो बनाउन वडा तह देखी पालिका,प्रद्रश सभा निर्वाचित क्षेत्रिय समिति,क्षेत्रिय र जिल्ला अधिवेशनको क्रममा विजेता तथा उपबिजेता सवैलाई सहभागीता गराई पुर्निमिलन तथा सहभोजको आयोजना गर्ने निर्णय गरेको जिल्ला सचिव विजय सन्तोषी राईले जानकारी दिनुभयो ।
बैठकले राष्टिय मेलमिलाप दिवस भव्य रुपमा गर्न उपसभापति सुनिल डंगोलको संयोजक,कार्यक्रम व्यवस्थापन समितिको संयोजक जिल्ला सचिव विजय सन्तोषी राई र प्रचार प्रसार गर्न सचिव द्धय विजय सन्तोषी राई र जयन्द्र घिसिङ्ग र आर्थिक संकलनको जिम्मा सहसचिव द्धय रोशन श्रेष्ठ र गिरिजा प्रसाद दाहाललाई जिम्मेवारी दिने निर्णय समेत गरेको छ ।
सोही दिनदेखी नया कार्य समितिले आफ्नो कार्यकालको प्रारम्भ गर्ने भएकोले सवै मातहतका समितिहरु र भातृ तथा शुवेच्छुक संस्थाहरुका साथीहरु र अधिवेशनमा विजयी तथा उपबिजेता सवैलाई सहभागी हुन जिल्ला सभापती दिनेश राईले निर्देशन समेत दिनु भएको छ ।
आज वर्षा र हिमपातकाे सम्भावना, भाेलि देशभर पानी पर्ने
काठमाडाैं, १३ पुस/हाल देशमा पश्चिमी न्यून चापीय प्रणालीको प्रभाव रहेको छ। दिउँसो देशभर सामान्य देखि पूर्णतया बदली रहने माैसम पूर्वानुमान महाशाखाले जानकारी दिएकाे छ ।उच्च पहाडी तथा हिमाली भूभागका केही स्थानमा मध्यम हिमपातको सम्भावना रहेको छ। सुदूरपश्चिम र लुम्बिनी प्रदेशको थोरै स्थानमा हल्का वर्षाको सम्भावना छ ।
राति केही स्थानमा हल्कादेखि मध्यम वर्षाको सम्भावना रहेको छ। देशका उच्च पहाडी तथा हिमाली भूभागका धेरै स्थानमा हल्कादेखि मध्यम हिमपातको पनि सम्भावना रहेको छ ।
बुधबार धेरै स्थानमा हल्कादेखि मध्यम वर्षाको सम्भावना छ। उच्च पहाडी तथा हिमाली भू(भागहरुका धेरै स्थानमा हल्का देखि मध्यम हिमपातको संभावना रहेको छ।बिहीबार थोरै स्थानमा हल्का वर्षा र उच्च पहाडी तथा हिमाली भूभागका केही स्थानमा हल्कादेखि मध्यम हिमपातको सम्भावना छ ।
