नेकपा (एमाले) जिल्ला कमिटी धनकुटाको ७ औ जिल्ला अधिवेशनको तयारी पुरा
धनकुटा । नेपाल कम्यूनिष्ट पार्टी (एमाले) जिल्ला कमिटी धनकुटाको ७ औ जिल्ला अधिवेशनको तयारी पुरा भएको छ । पार्टीको ७ औ जिल्ला अधिवेशन औद्योगिक ग्राम धनकुटामा हुनेछ ।
अधिवेशन स्थल औद्योगिक ग्राममा सम्पूर्ण तयारी पुरा भएको पार्टीका जिल्ला सचिव भिम राईले जानकारी दिनुभएको छ । पार्टीको ७ औ जिल्ला अधिवेशन सम्पन्न गर्नका लागि जिल्लाको सात वटै स्थानिय तहका गाँउ गाँउ बाट ८ सय भन्दा बढी प्रतिनिधिको सहभागिता रहनेछ ।
यस अघि पार्टीले जिल्ला अधिवेशन सम्पन्न गर्नका लागि विभिन्न उपसमिति गठन गरेर नेता तथा कार्यकर्ताहरुलाई जिम्मेवारी दिएका थिए ।
