धनकुटाको पाख्रिवास ४ मा कांग्रेसको भातृ तथा शुभेच्छुक संस्था र टोल समितिहरु गठन
धनकुटा । धनकुटाको पाख्रिवास नगरपालिका वडा नं ४ मा नेपाली कांग्रेसले आफ्नो विभिन्न भातृ तथा शुभेच्छुक संस्था र टोल समितिहरु गठन गरेको छ ।
पार्टीका ४ नं वडा सभापती श्याम प्रकाश राईको अध्यक्षतमा आज बसेको वृहत भेलाले कुमारी विकको अध्यक्षमा नेपाल दलित संघ,कल्पना दवाडीको अध्यक्षतामा नेपाल महिला संघ, चन्द्र वहादुर वस्नेतको अध्यक्षमा नेपाल किसान संघ, विजय शेर्पाको अध्यक्षमा नेपाल आदिवासी जनजाती संघ गठन गरेको वडा सचिव सुष्मा गुरुगले जानकारी लदिनुभयो। यस अघि विभिन्न पाच वटा भातृ संस्थाहरु गठन गरिसकिएको विष्णु गुरागाईले वताउनु भयो । भेलाले सुवास गुरुङको सभापतित्वमा जाल्पादेवी मावि बुध समिति गठन गरेको छ भने सात वटा विभिन्न टोल समितिहरु गठन गरेको समेत वडा सहसचिव अनिल खड्काले वताउनु भयो ।
भेलालाई सम्बोधन गर्दै नेपषर्टीका जिल्ला सचिवहरु विजय सन्तोषी राई,जयन्द्र घिसिङ्ग, सदस्य निलम थापा,पाख्रिवास नगर कार्य समितिका सचिव सन्तोष मानन्धर,सहसचिव इन्दिरा कार्की,नेपाल तरुण दल पाख्रिवास नगर कार्य समितिका अध्यक्ष रवी राई लगायतले नेपाली कांग्रेसको सक्रियता पाख्रिवासमा बढ्दै गएकाले अव नेपाली कांग्रेसले निर्वाचन जित्न सक्ने संगठन निर्माण भएको वताए।
कार्यक्रममा स्वागत मन्तव्य वडा उपसभापती विष्णु गुरागाईले राख्नुभएको थियो भने संचालन सहसचिव अनिल खड्काले गर्नु भयो ।
