सूर्य बहादुर थापा स्मृति गोल्ड कप फुटबल प्रतियोगिताको उपाधि नवप्रतिभा युवा क्लब भीरगाउँलाई
धनकुटा । धनकुटा नगरपालिका २ भिरगाउँमा सञ्चालित सूर्य बहादुर थापा स्मृति गोल्ड कप फुटबल प्रतियोगिता नवप्रतिभा युवा क्लब साविक वडा नं ९ भीरगाउँले जितेको छ ।
प्रतियोगिताको फाईनलमा मार्से युवा क्लव छथरजोरपाटी गाउँपालिका सँग भिडेको उस्ले ०-४ गोल अन्तरले जित हाँसिल गरेको हो । जित सँगै नव प्रतिभा युवा क्लबले नगद १ लाख सहित ट्रफी, मेडल, प्रमाण पत्र पुरस्कार प्राप्त गरेको छ ।
उप विजेतामा मार्से युवा क्लवले नगद ५० हजार सहित ट्रफि,मेडल र प्रमाण पत्र पुरस्कार पाएको प्रतियोगिता आयोजक सयपत्री युवा क्लबका सदस्य सन्तोष राईले जानकारी दिनुभयो । सूर्य बहादुर थापा प्रतिष्ठान काठठमाण्डौको सहयोगमा गत माघ २० गते देखी सञ्चालन भएको प्रतियोगितामा धनकुटा जिल्लाका विभिन्न पालिकाका १६ टिमले सहभागिता जनाएका थिए ।
प्रतियोगिताका विजयी क्लबलाई नेपाली कांग्रेस जिल्ला सभापति दिनेश राई,प्रदेश सभा (ख) क्षेत्रिय सभापति राजन पौडेल लगायतले पुरस्कार वितरण गरेका थिए ।
