एमाले र जनता समाजवादी पार्टी परित्याग गर्दै दर्जनौ नेता कार्यकर्ता कांग्रेसमा प्रवेश
धनकुटा । धनकुटामा नेकपा एमाले र जनता समाजवादी पार्टीका दर्जनौं नेता कार्यकर्ता नेपाली कांग्रेसमा प्रवेश गरेका छन् ।
प्रवेश गर्नेहरुमा नेकपा एमालेका नेता अजितमान गजमेर, जनता समाजवादी पार्टीका सोम वहादुर राई,सविन्द्र राई,नार्गजुन नगरपालिका वडा नं ४ का निर्वाचित सदस्य तथा महिला नेतृ निरा गजमेर, वडा नं ६ का काजिलाल राई लगायत रहेको नेपाली कांग्रेस जिल्ला सचिव विजय सन्तोषी राईले जानकारी दिनुभयो ।
उनिहरुलाई शुक्रबार धनकुटामा आयोजित वृहत भेलाको अवसरमा कांग्रेसमा प्रवेश गराईएको छ । उनिहरुलाई कांग्रेस सहमहामन्त्री भिष्मराज आङदम्बे,पूर्व मन्त्रि केन्द्रिय सदस्य सुनिल वहादुर थापा,केन्द्रिय सदस्य तारामान गुरुङ, १ नं प्रदेश कार्य समितिका सभापती उद्धव थापा,महामन्त्री भूपेन्द्र राई,जिल्ला सभापती दिनेश राई लगायतका नेताहरुले खादामाला लगाई स्वागत गरेका थिए ।
धनकुटा नगरपालिकाका १० वटै वडाबाट यस अघि पनि ४ सय २७ जना विभिन्न पार्टी परित्याग गरी कांग्रेसमा प्रवेश गरिसकेको नेपाली कांग्रेस धनकुटाले जनाएको छ ।
वृहत भेलाको अवसरमा नेपाल शिक्षक संघ धनकुटा नगरको अधिवेशनबाट निर्वाचित अध्यक्ष लक्ष्मी सापकोटा लगायतका नयाँ कार्य समितिका पदाधिकारीलाई बधाई ज्ञापन गरिएको थियो ।
धनकुटामा अहिले विभिन्न पार्टी परित्याग गरी कांग्रेसमा प्रवेश गर्ने लहर नै चलेकोलेको जनाईएको छ ।
