धनकुटामा पालिका स्तरिय महिला फुटबल प्रतियोगिता आयोजना हुने
धनकुटा,१५ जेठ । शहिद रामकृष्ण श्रेष्ठ स्मृति प्रतिष्ठान धनकुटाले जेठ २४ गते देखि २८ गते सम्म धनकुटामा पालिका स्तरिय महिला फुटबल प्रतियोगिताको आयोजना गर्ने भएको छ ।
प्रतिष्ठानले आज धनकुटा सदरमुकाममा पत्रकार संम्मेलन गर्दै यस्तो जानकारी दिइको हो । धनकुटा सात वटै पालिका लाई सहभागिताका लागि पत्र पठाई सकिएको अहिले सम्म सात वटा टोली नै समावेश गर्ने योजना आयोजकको रहेको प्रतिष्ठानका अध्यक्ष ईश्वर बहादुर श्रेष्ठले जानकारी दिनु भयो ।
प्रतियोगिताको प्रथम हुने टोलीले नगद ५० हजार ट्रफि, मेडल र प्रमाण पत्र प्राप्त गर्ने छ भने दोस्रो हुने टोलीले ३० हजार नगद ट्रफि, मेडल र प्रमाण पत्र प्राप्त गर्ने छ ।
अायोजना सम्पन्न गर्नका लागि ६ लाख रुपैया लाग्ने अनुमान आयोजकले गरेको छ भने सहयोगीमा धनकुटाका स्थानियतह सहित अन्य प्रायोजक रहने आयोजकले जनाएको छ ।
