धनकुटा पालिका स्तरीय महिला फुटबल प्रतियोगिताको आम्दानी तथा खर्चको विवरण सार्वजनिक
धनकुटा,८ असार । सहिद रामकृष्ण श्रेष्ठ स्मृति प्रतिष्ठानले धनकुटामा आयोजना गरेको धनकुटाका पालिका स्तरीय महिला फुटबल प्रतियोगिताको आम्दानी तथा खर्चको विवरण सार्वजनिक गरेको छ ।
धनकुटामा आज पत्रकार संम्मेलन गर्दै आयोजकले विवरण सार्वजनिक गरेको हो । खेल सम्पन्न गर्नका लागि ४ लाख ४४ हजार ५ सय ७५ रुपैयाँ खर्च भएको जानकारी दिएको छ ।
साथै रकम प्रतिष्ठान लाई प्राप्त भई सकेको र आश्वसन भएको रकम जम्मा ५ लाख ११ हजार १ सय ३७ रुपैयाँ रहेको सहिद रामकृष्ण श्रेष्ठ स्मृति प्रतिष्ठानका अध्यक्ष इश्वर बहादुर श्रेष्ठले जानकारी दिनु भयो । तर धरै रकम उठ्न बाँकी रहेको उहाँको भनाई थियो ।
प्रतियोगिता जेठ २८ गते देखि ३१ गते सम्म संचालन भएको थियो भने प्रतियोगिताको उपाधि धनकुटा नगरपालिकाले जितेको थियो ।
