धनकुटाका जेष्ठ नागरिकलाई दही चिउरा
धनकुटा, १५ असार । धनकुटा लेडिज जेसिसले असार १५ अर्थात धान दिवसको अवसरमा धनकुटा नगरपालिका ७ का जेष्ठ नागरिकलाई दही चिउरा खुवाएर मनाएको छ ।
आज एक कार्यक्रम बिच जेष्ठ नागरिक संघ ७ नम्बर वडा समितीका ४५ जना जेष्ठ नागरिकलाई दहि चिउरा खुवाएर मनाएको जेष्ठ नागरिक संघ धनकुटा नगरपालिका ७ का अध्यक्ष बुद्धिकान्त घिमिरेले जानकारी दिनु भयो ।
कार्यक्रमको प्रमुख अतिथि धनकुटा नगरपालिका ७ का वडा अध्यक्ष रोषेश श्रेष्ठले कार्यक्रममा शुभकामना व्याक्त गर्नु भएको थियो ।
कार्यक्रममा जेष्ठ नागरीक धनकुटा नगर अध्यक्ष टिकाप्रसाद घिमिरे साथै सुदर्शन घिमिरे, बद्रिनाथ अधिकारी, उपाध्यक्षहरु गुणराज श्रेष्ठ, सरिता लक्ष्मी श्रेष्ठ, कोषध्यक्ष हरी कुमार डंगोल लगायत समितीका पदाधीकारी तथा सदस्यहरुको उपस्थिती रहेको कार्यक्रमको संचालन जेष्ठ नागरीक संघका वडा सचिब रामबहादुर श्रेष्ठले गर्नु भएको थियो भने कार्यक्रमको अध्यक्षता जेष्ठ नागरीक संघ धनकुटा नगरपालिका ७ का अध्यक्ष बुद्धिकान्त घिमिरेले गर्नु भएको थियो ।
