धनकुटामा संचालित अन्तरपालिका महिला फुटबल प्रतियोगिताको उपाधि धनकुटा नगरपालिकालाई
शर्मिला राई,धनकुटा । शहिद राम कृष्ण श्रेष्ठको सम्झनामा धनकुटामा सञ्चालित जिल्ला स्तरिय अन्तरपालिका महिला फुटबल प्रतियोगिताको उपाधि धनकुटा नगरपालिकाले उचालेको छ ।
प्रतियोगिता अन्र्तगत आज चौविसे गाउँपालिकासँग भिडेको उसले सुन्यको विरुद्ध २ गोल लगाउदै उपाधि जित्न सफल भएको हो । जित सँगै धनकुटा नगरपालिकाले नगद ६० हजार सहित ट्रफी,मेडल र प्रमाणपत्र पुरस्कार पाएको छ ।
दोश्रो भएको चौविसे गाउँपालिकाले नगद ३० हजार, ट्रफी, मेडल र प्रमाणपत्रमा चित्त बुझाएको छ । विजयी पालिकाहरुलई धनकुटा नगरपालिकाका प्रमुख चिन्तन तामाङ र चौविसे गाउँपालिका प्रमुख राजकुमार चेम्जोङ लगायतले पुरस्कार प्रदान गरेको आयोजकले जनाएको छ ।
प्रतियोगितामा धनकुटा नगरकी जर्सी नं १० की खेलाडी तीर्थकुमारी लिम्बु उमन अफ द म्याच घोषित भईन् । प्रतियोगिता शहिद रामकृष्ण श्रेष्ठ स्मृती प्रतिष्ठान धनकुटाको आयोजनामा माघ २३ गतेदेखी सञ्चालन भएको थियो ।
धनकुटा ७ का शहिद रामकृष्ण श्रेष्ठको पञ्चायती शासनको विरुद्धमा लड्दा २०३० चैत ३ गते विराटनगरमा तत्कालिन राजा विरेन्द्रमाथि बम प्रहारको घट्नामा परि निधन भएको थियो । श्रेष्ठलाई २०७४ माघ ३ गते तत्कालिन सरकारले राष्ट्रिय शहीद घोषणा गरेको थियो ।
