एमालेको मिशन ग्रासरुट अभियान अन्तरगत धनकुटाको सहिद भुमिगाउँपालिका वडा नं ६ को टोल स्तरीय कार्यकर्ता भेला सम्पन्न
धनकुटा । नेकपा एमालेको मिशन ग्रासरुट अभियान अन्तरगत धनकुटाको सहिद भुमिगाउँपालिका वडा नं ६ को टोल स्तरीय कार्यकर्ता भेला सम्पन्न भएको छ ।
वडाको घर्तिनीबारी, बरबोटे,ठुलो गाउँ ,सहर,पोक्ला,थलथले, सुकेआहाल र माम्फिङमा पुगेर नेताकार्यकर्ता तथा जनताहरुसंग भेटघाटका साथमा टोल स्तरीय भेला सम्पन्न गरेको वडा कमिटी अध्यक्ष केशव राईले जानकारी दिनुभयो ।
अभियानका क्रममा पार्टी सदस्यको सदस्यता नवीकरण, सदस्यता विस्तार, प्रशिक्षण लगायतका कार्यक्रम सञ्चालन गरेका हो । जनप्रतिनिधि र पार्टी बिच सम्बन्ध सुधारका लागि सुझाव संकलन गरिएको उहाँले बताउनुभयो ।
सल्लाह सुझाव संकलन गर्ने क्रममा पार्टीको लागि जुन वर्गका मानिस योद्वाले रगत पसिना बगाएर अनेक सङ्घर्ष गर्यो, त्यो वर्ग अहिले साथमा छ कि छैन भन्ने कुरामा गम्भीर बन्न आवश्यक रहेको र पार्टीको कार्यक्रम वर्ग विश्लेषणमा आधारित हुनुपर्ने , अबको निर्वाचनमा एमालेलाई पहिलो दल बनाउन गुटगत मानसिकता त्यागेर अघि बढ्नु पर्ने, जनताको बहुदलीय जनवाद कार्यान्वयन गर्नुपर्ने , संख्यात्मकलाई गुणात्मकमा परिवर्तन गर्नु पर्ने ,विभिन्न समयमा राजनीति परिवर्तनका लागि योगदान गरेका बलिदान दिएकाहरुको सम्मान र कदर हुनुपर्यो भन्ने जनता तथा नेताकार्यकर्ता बाट सल्लाह सुझाव आएका छन् ।
सुझाव संकलनका क्रममा आएका कुराहरुलाइ केन्द्रीय राजनीतिक सम्म पुर्याउनु पर्नेमा अभियानका अभियान्ता नेताहरूलाई जोड दिएका थिए । अभियानका क्रममा युवा संघका जिल्ला ईन्चार्ज प्रमुख अभियान्ता रुपमा कला राई , पार्टीका जिल्ला कमिटी सचिवालय सदस्य तथा स्कुल विभाग प्रमुख मनोज राई , जिल्ला कमिटी सदस्य रस्मिता राई , निरेन राई , मालाति मोक्तान , पालिका कमिटी सचिव हेमकुमार राई , पालिका कमिटी सदस्य दिवानि राई , सुरेन्द्र राई , युवा संघका निरन राई , राजेन्द्र राई ,वडाकमिटी सचिव खगेन्द्र भण्डारी लगायत पार्टीका अग्रज , प्रदेश , जिल्ला ,पालिका ,वडा कमिटी ,विभिन्न जनसंगठनका प्रमुख तथा प्रतिनिधिको टोलि अभियानमा सहभागी थिए ।
