धनकुटामा सय वेडको अस्पताल निर्माणको लागि धेरै भाषण मात्र भएको कोशी प्रदेशकी स्वास्थ्य मन्त्रीको आरोप
धनकुटा,२७ चैत । कोशी प्रदेशकी स्वास्थ्य मन्त्री निर्मला तावा लिम्वुले धनकुटामा सय वेडको अस्पताल निर्माणको लागि धेरै नेताले स्टेजमा भाषण मात्र गरेको आरोप लगाउनु भएको छ ।
नेत्रज्योति संघ धनकुटाको १३ औ साधारणसभाको उद्धघाटन गर्दै कोशी प्रदेशका स्वास्थ्य मन्त्री लिम्वुले यस्तो आरोप लगाउनु भएको हो । धनकुटामा शिक्षण अस्पताल नै खोल्ने भन्ने थियो, त्यो नभएपछि १ सय वेडको अस्पताल वनाउने कुरा आयो तर, त्यो पनि अहिलेसम्म गफैमा मात्र सिमित रहेको छ ।’
मन्त्रीले लिम्बुले कुनै पनि काम गर्नको लागि प्रदेश सरकामा ऐन, कानुन्, नीति नियम, विनियमहरु वने पनि कार्यान्वयन पक्ष फितलो हुनु ठिक नभएको बताउनुभयो । सरकारमा बसेर बोलेर मात्र नहुने भन्दै, मन्त्री लिम्वुले –मन्त्रालयको टिमले सहि ढंगले समयमा काम गरे भने मात्र जुनैसुकै काम पनि कार्यान्वयनमा चाडै आउने बताइन् ।
यो पनि…
कोशी प्रदेश सरकारद्वारा सेवा केन्द्र निर्माणको तयारी
सुन्दरहरैचा, २७ चैत (रासस) : कोशी प्रदेश सरकारले तीन ठाउँमा मुख्यमन्त्री अत्यावश्क सेवा केन्द्र निर्माणको तयारी गरेको छ ।
सो कार्यक्रमअन्तर्गत एउटा सेवा केन्द्रको पूर्वाधार निर्माणका लागि डिपिआर पारित गर्ने र दुईवटा केन्द्र निर्माणका लागि आन्तरिक मामिला तथा कानुन मन्त्रालय र स्थानीय तहबीच सम्झौता भएको छ । झापाको अर्जुनधारा नगरपालिकामा निर्माण गर्न लागिएको मुख्यमन्त्री अत्यावश्यक सेवा केन्द्रको भवनलगायत आवश्यक पूर्वाधार निर्माणका लागि तयार पारिएको डिपिआर पारित भएको छ ।
अर्जुनधारा नगरपालिका–२ मा उक्त क्षेत्रका चारवटा पालिका अर्जुनधारा, कनकाई र विर्तामोड नगरपालिका तथा बुद्धशान्ति गाउँपालिकालाई सेवा उपलब्ध गराउने गरी सेवा केन्द्र स्थापना गर्न यस अघि नै आन्तरिक मामिला तथा कानुन मन्त्रालय र स्थानीय तहहरुबीच सम्झौता भएको कोशी प्रदेशका मुख्यमन्त्रीका प्रेस सल्लाहकार महेन्द्र विष्टले जानकारी दिनुभयो ।
त्यसैगरी मोरङको रङ्गेली नगरपालिकाको दर्वेशा र तेह्रथुमको आठराई गाउँपालिका–१ पुरानो बजारमा केन्द्र निर्माण गर्ने गरी आन्तरिक मामिला तथा कानुन मन्त्रालय र स्थानीयतहबीच सम्झौता भएको छ । रङ्गेलीमा निर्माण गरिने सेवा केन्द्रले दक्षिणपूर्वी मोरङका रङ्गेली सुनवर्षी, कानेपोखरी र धनपालथान गाँउपालिकालाई सेवा उपलब्ध गराउने छ । साथै तेह्रथमको आठराईमा निर्माण गरिने सेवा केन्द्रले आठराई र फेदाव गाउँपालिकालाई सेवा उपलब्ध गराउने भएको हो ।
विशेष गरेर स्थानीयतहमा विपद् व्यवस्थापनका लागि सेवा उपलब्ध गराउने उद्देश्यले कोशी प्रदेश सरकारले सेवा केन्द्र सञ्चालनमा ल्याउन लागेको मुख्यमन्त्री तथा मन्त्रिपरिषदको कार्यालयले जनाएको छ । सेवा केन्द्र निर्माणका लागि आवश्यक निर्देशिका समेत मन्त्रिपरिषद्ले पारित गरिसकेको छ । पूर्वाधार निर्माणपछि सञ्चालनमा आउने मुख्यमन्त्री अत्यावश्यक सेवा केन्द्रबाट बारुणयन्त्र, एम्बुलेन्स र प्रहरीलगायतका सेवा एकीकृत रुपमा उपलब्ध गराइने छ ।
–––
