धनकुटाको पाख्रीवास नगरपालिकाका सबै वडाको टोलमै पुगेर ५ वर्ष मुनिका बालबालिकालाई आज र भोलि भिटामिन ‘ए’र जुकाको औषधि खुवाईदै
धनकुटा । देशभरका ५ वर्ष मुनिका बालबालिकालाई आज र भोलि भिटामिन ‘ए’र जुकाको औषधि खुवाईदैछ ।
देश व्यापीरुपमा सञ्चालित यो कार्यक्रम अन्र्तगत धनकुटाको पाख्रीवास नगरपालिकाका उल्लेखित उमेर समूहका वालवालिकाहरुलाई पनि भिटामिन ‘ए’ र जुकाको औषधि खुवाईने पालिकाको स्वास्थ्य शाखाले जनाएको छ ।
यो पालिकाको सम्पूर्ण वडाको टोल-टोलमा पुगेर ५४ जना स्वास्थ्य स्वयमसेविकाहरुले बालवालिकाहरुलाई भिटामिन ‘ए’ र जुकाको औषधि खुवाउने डा.अंकित शर्माले जानकारी दिनुभयो ।
बालबालिकाहरुमा हुनसक्ने स्वास्थ्य समस्या र कुपोषणको जोखिम न्यूनीकरण गर्न आफुलाई सहज हुने स्थानमा आफ्ना बालबालिकालाई लगेर भिटामिन ‘ए’ र जुकाको औषधि खुवाउन नगरले सम्बन्धित सम्पूर्णलाई आह्वान गरेको छ ।
भोलिसम्म सञ्चालन हुने यो कार्यक्रम अन्र्तगत ६ देखि ५९ महिनाका बालबालिकालाई भिटामिन ‘ए’र एक देखि ५ वर्षसम्मकालाई जुकाको औषधि खुवाउन लागिएको हो ।
