महिला स्वास्थ्य स्वयम सेविकाहरुलाई आँखा स्वास्थ्य सम्बन्धी आधारभूत तालिम
धनकुटा २४ जेठ, नेपाल नेत्र ज्योती संघ डा.रामप्रसाद पोखरेल आँखा अस्पताल र छथर जोरपाटी गाउँपालिकाको संयूतm आयोजनामा महिला स्वास्थ्य स्वयम सेविकाका लागि संचालन गरिएको एक दिने आँखा स्वाथ्य सम्बन्धी आधारभूत तालिम कार्यक्रम सम्पन्न भएको छ ।
गाउँपालिका भित्र रहेका ३६ जना महिला स्वास्थ्य स्वयम सेविकाकाहरुलाई आँखा स्वाथ्य सम्बन्धी आधारभूत तालिम दिइएको छथर जोरपाटी गाउँपालिका स्वाथ्य शाखा प्रमुख सुन्दरमान डंगोलले जानकारी दिनु भयो । तालिममा आँखाको सुरक्षा तथा सामान्य उपचार, आँखाको सरसफाई लगायतका बिषयहरुको जानकारी गराइएको प्रमुख डंगोलले जानकारी दिनु भयो ।
तालिमको सहजीकरण नेत्र विशेषज्ञ राजन भण्डारी, नेपाल नेत्र ज्योती संघ डा.रामप्रसाद पोखरेल आँखा अस्पताल व्यावस्थापक नरेन्द्र बस्नेत र छथर जोरपाटी गाउँपालिका स्वास्थ्य शाखा प्रमुख सुन्दरमान डंगोलले गर्नु भएको थियो । कार्यक्रमको अध्यक्षता छथर जोरपाटी गाउँपालिकाका प्रमुख प्रशासकिय अधिकृत जितमान जिमीले गर्नु भएको थियो ।
