नि:शुल्क स्वास्थ्य शिविरमा ८२ जनाले गराए स्वास्थ्य परिक्षण
धनकुटा,७ असार । धनकुटाको छथर जोरपाटी गाउँपालिका ६ मा संचालन गरिएको प्रजनन स्वास्थ्य सम्बन्धी १ दिने निशुल्क स्वाथ्य शिविरमा ८२ जनाले स्वाथ्य सेवा लिएका छन् ।
छथर जोरपाटी गाउँपालिका वडा न ६ को आयोजना, छथर जोरपाटी गाउँपालिकाको समन्वय तथा नेपाल परिवार नियोजन संघ जिल्ला शाखा धनकुटा र परेवादिन स्वाथ्य चौकीको प्राविधीक सहयोगमा गरिएको निशुल्क शिविरमा ८२ जनाले सेवा लिएको छथर जोरपाटी गाउँपालिका स्वाथ्य शाखा प्रमुख सुन्दरमान डंगोलले जानकारी दिनु भयो ।
सेवा लिने मध्ये भीआइए जाँच ६२ जनाले गराएका छन् त्यस्तै इम्प्लान्ट राख्ने २ जना, इम्प्लान्ट झिक्ने ३ जना, स्तन क्यान्सरको जाँच गराउने ५ जना र पाठेघर घसेको परिक्षण १० जनाले गराएको प्रमुख डंगोलले जानकारी दिनु भयो । स्वाथ्य शिविरको उत्घाटन छथर जोरपाटी गाउँपालिका अध्यक्ष छत्र बहादुर सुब्बाले गर्नु भएको थियो भने कार्यक्रममा छथर जोरपाटी गाउँपालिका उपाध्यक्ष गिता गरुङ्ग खेवा, छथर जोरपाटी गाउँपालिका वडा न ६ का वडा अध्यक्ष दिपक गरुङ्ग लगायतको उपस्थिती रहेको थियो ।
