मन्त्री चौधरी सुरेन्द्र चौधरीलाई थुनाउन साईबर व्यूरोमा
काठमाडौं, ११ साउन । आफू र पार्टीलाई बद्नाम गराउनेगरि जथाभावी बोलेको भन्दै सुरेन्द्र चौधरीलाई कारबाहीको माग गर्दै भूमि व्यवस्था, सहकारी तथा गरिबी निवारणमन्त्री रञ्जिता श्रेष्ठ चौधरीले दर्ता गराएको उजुरीमाथि साईबर व्यूरोले कारबाही अघि बढाएको छ ।
व्युरोले सुरेन्द्र चौधरीलाई मन्त्री श्रेष्ठको उजुरीमाथि सोधपुछ गर्न बोलाएको थियो । अहिले मन्त्री आफ्नो स्वकिय सचिव र पिएसओ लिएर व्युरो पुगेको बतार्ईको छ। स्रोतकाअनुसार मन्त्री श्रेष्ठले चौधरीलाई थुनाउनको लागि प्रहरीलाई दबाब दिएकी छिन् ।
सुरेन्द्र चौधरीले नागरिक उन्मुक्ति पार्टी भने छाडिसकेका छन् । उनी पछिल्लो समय नागरिक उन्मुक्ति पार्टीका संरक्षक रेशमलाल चौधरी र अध्यक्ष श्रेष्ठमाथि आक्रामक रुपमा प्रस्तुत भैरहेका छन् ।
आफूमाथि साईबर व्युरोमा उजुरी परेको थाहा पाएर होला चौधरीले आज विहानै फेशबुकमा लेखेका छन–‘सूचनामा स्वतन्त्र पहुँच सहित अभिव्यक्ति स्वतन्त्रताको अधिकार मौलिक मानव अधिकार हो। मानिसहरूलाई ज्ञान प्राप्त गर्न र आफ्नै विचारहरू बनाउन सक्षम बनाउन अभिव्यक्तिको स्वतन्त्रता आवश्यक छ। अभिव्यक्ति स्वतन्त्रता पनि एक जीवन्त लोकतन्त्रको आधारशिला हो जहाँ समाजका सबै सदस्यहरूले विचार र विचारको स्वतन्त्र आदानप्रदानमा भाग लिन सक्छन् र सामाजिक विकासलाई प्रभाव पार्न सक्छन्। बहुलवादी समाजमा, खुला संवाद जहाँ एकअर्काको विरुद्धमा विचार राख्न सकिन्छ, यसले लोकतन्त्रको प्रवर्द्धन गर्न र मानवअधिकारको रक्षा गर्न मद्दत गर्छ।’
