अधिवक्ता भगवती पाण्डेलाई पक्राउ गर्न माग गर्दै काठमाडौं प्रहरी परिसरमा ढुंगामुढा
काठमाडौं,१७ साउन । अधिवक्ता भगवती पाण्डे शीतललाई पक्राउ गरी आवश्यक कारवाही गर्न माग गर्दै विभिन्न जातीय संघ संस्थाहरुले काठमाडौंमा प्रदर्शन गरेका छन् ।
पाण्डेले गत हप्ता एक टेलिभिजन कार्यक्रममा मगर,तामाङलगायतका जातीमा दाजु बहिनीबीच विवाह हुने भन्दै विवादास्पद अभिव्यक्ति दिएकी थिईन् ।
उक्त अभिव्यक्तिपछि विवादित बनेकी पाण्डेविरुद्ध प्रहरी पक्राउ पूर्जी जारी गरेपनि हाल उनी फरार रहेकी छन् ।
पक्राउ पूर्जी जारी भएर पनि पक्राउ नगरेको भन्दै आज प्रदर्शनकारीहरुले काठमाडौं प्रहरी परिसर टेकुमा प्रदर्शन गर्दै ढुंगामुढा गरेका छन् । प्रहरीले ढुंगामुढा गर्ने १० जनाभन्दा बढि व्यक्तिलाई पक्राउ गरेको छ । सहकर्मी पक्राउ परेपछि उनीहरू झन् आक्रोशित बनेका थिए । भीड तितरवितर पार्न प्रहरीले ३ राउण्ड अश्रुग्यास प्रहार गर्नुका साथै लाठी चार्ज गरेको थियो।
