सन्न्यास लिएकै दिन ज्ञानेन्द्र किन जाँदैछन् यूके ?
काठमाडौं । राष्ट्रिय क्रिकेट टीमबाट सन्न्यास घोषणा गरेका पूर्वकप्तान ज्ञानेन्द्र मल्ल आज बेलायत जाने भएका छन् । पहिल्यै तय भएको कार्यक्रमका लागि उनी बेलायत जान लागेका हुन् ।
निकट स्रोतका अनुसार लन्डनमा बस्ने नेपाली समुदायले आयोजना गर्ने सम्मान कार्यक्रममा ज्ञानेन्द्रले भाग लिनेछन् । उनको बसाइ एक साताको मात्र हुने बुझिएको छ । लन्डन जान पासपोर्ट बेलायती दूतावासमा बुझाएकाले उनी श्रीलंका जान पाएका थिएनन् ।
आज पत्रकार सम्मेलन गरेर मल्लले सन्न्यास घोषणा गरेका हुन् । उनले आफ्नो नयाँ यात्रा सुरु भएको बताएका छन् । तर, भावी योजनाबारे सुनाएका छैनन् । नेपाल क्रिकेट संघले ज्ञानेन्द्र लन्डनबाट फर्केपछि औपचारिक बिदाइ गर्ने तयारी गरेको छ ।
