पुराना मुद्दा फर्छ्यौटमा प्राथमिकता दिन्छु : कामू प्रधानन्यायाधीश श्रेष्ठ
काठमाडौं । कामू प्रधानन्यायाधीश विश्वम्भरप्रसाद श्रेष्ठले पुराना मुद्दा फर्छ्यौटलाई प्राथमिकता दिने बताएका छन् ।
आइतबारदेखि कामू प्रधानन्यायाधीश बनेका उनले पुराना मुद्दा फर्छ्यौट र छिटोछरितो न्याय सम्पादनवारे सर्वोच्च अदालतका न्यायाधीशहरुसँग छलफल गरेका हुन् ।
उनले न्यायालयको सेवा थप प्रभावकारी बनाउन पनि कर्मचारीहरुलाई निर्देशन दिएका थिए । न्यायाधीशहरु र कर्मचारीको मनोवल बढाउन आफू प्रयत्नशील रहेको भन्दै उनले न्यायिक सुधारका लागि उच्च र जिल्ला अदालतका न्यायाधीशहरुसँग छलफल गर्ने बताए ।
उनले न्यायपालिकाको सेवा प्रवाहलाई चुस्त बनाउन र सेवाग्राही सहजताका साथ सेवा दिन पनि निर्देशन दिए । सर्वोच्च अदालतका मुख्यरजिष्ट्राय लालबहादुर कुँवरले उनलाई स्वागत गरेका थिए ।
