ललिता निवास प्रकरण: आरोपितलाई थप ५ दिन हिरासतमा राख्न अदालतको अनुमति
काठमाडौं,३१ साउन । काठमाडौंको बालुवाटारस्थित ललिता निवासको जग्गा प्रकरणमा पक्राउ परेका आरोपितहरुलाई थप ५ दिन हिरासतमा राख्न अदालतले अनुमति दिएको छ ।
जिल्ला अदालत काठमाडौंले यस प्रकरणमा पक्राउ परेका आरोपीतलाई बुधबार ५ दिन हिरासतमा राख्न अनुमति दिएको हो ।
यस प्रकरणमा हालसम्म भाटभटेनी सुपरमार्केटका सञ्चालक मीनबहादुर गुरुङ, पूर्व निर्वाचन आयुक्त सुधीरकुमार शाहलगायतका व्यक्तिहरु डेढ महिनादेखि प्रहरीको केन्द्रीय अनुसन्धा ब्यूरो (सीआइबी)को हिरासतमा छन् ।
