स्पेन चुम्बन विवाद : महिला खेलाडीले भनिन् मेरो सहमति थिएन
काठमाडौं । स्पेनिस महिला फुटबल खेलाडी जेनी हर्मोसोले स्पेनिस फुटबल महासंघका अध्यक्ष लुइस रुबियालेसले आफूलाई चुम्बन गर्दा आफूले सहमति नदिएको बताएकी छन् ।
स्पेनका ८० जनाभन्दा बढी महिला खेलाडीले रुबियालेसलाई पदबाट नहटाएसम्म मैदानमा नजाने बताएका छन् ।
गत आइतबार महिला विश्वकपको फाइनलमा स्पेनले इंग्ल्याण्डलाई पराजित गरेको थियो ।
यसै क्रममा रुबियालेसले स्पेनकी महिला खेलाडी जेनी हर्मोसोलाई किस गरेका थिए ।
त्यसयता उनको राजिनामाको माग भइरहेको थियो, जसलाई उनले अहिलेसम्म बेवास्ता गर्दै आएका छन् ।
शुक्रबार रुबियारेजले राजीनामाको मागलाई अस्वीकार गर्दै उत्तेजक भाषणमा यो चुम्बन सहमतिमा भएको बताए ।
स्पेन सरकारले रुबियारेजलाई पदबाट हटाउन कानुनी प्रक्रिया सुरु गरेको छ । स्पेनमा फुटबलका धेरै महत्त्वपूर्ण प्रायोजकहरूले पनि कारबाहीको माग गरेका छन्।
विजयको उत्सवमा स्पेनकी महारानी लेटिजियाको नजिक उभिएर आफ्नो गुप्तांग छोएकोमा पनि रुबियाल्सको आलोचना भएको छ ।
जुन विवादले स्पेनमा महिला अधिकारसम्बन्धी लामो समयदेखि चलिरहेको विवादलाई बढाएको छ।
रुबियारेज सन् २०१८ देखि स्पेनिस फुटबल महासंघका अध्यक्ष छन्।
स्पेनी सरकारका धेरै मन्त्रीहरूले पनि उनको व्यवहारको आलोचना गरेका छन्।
