हिक्मत कार्कीले राजीनामा दिएपछि कोशी प्रदेशमा धरा १६८ (५) अन्तरगत सरकार गठन गर्न आह्वान
विराटनगर । कोशी प्रदेशका मुख्यमन्त्री हिक्मतकुमार कार्कीले पदबाट राजीनामा दिएपछि प्रदेश प्रमुख परशुराम खापुङले संविधानको धरा १६८ को उपधारा ५ अन्तरगत सरकार गठनको आह्वान गर्नुभएको छ ।
मुख्यमन्त्री कार्कीले राजीनामा दिएसँगै प्रदेश प्रमुख खापुङले नयाँ सरकार गठनका लागि पाँच दिनको समय दिएर सरकार गठनको आव्हान गर्नुभएको हो ।
कोशी प्रदेश सभामा विश्वासको मत प्राप्त गर्न सक्ने कोशी प्रदेश सभाका कुनै पनि सदस्यले असोज २६ गते शुक्रबार अपराह्न पाँच बजेभित्र आफ्नो दाबी पेस गर्न आह्वान गरिएको छ ।
प्रदेशका मुख्यमन्त्री कार्कीले शनिबार प्रदेश सभा बैठकमा मुख्यमन्त्री पदबाट राजीनामा दिएको घोषणा गर्नुभएको थियो ।
