पाख्रीबास मेयरकप फुटबल आजदेखि
धनकुटा । धनकुटाको पाख्रिबास नगरपालिकामा मेयर कप फुटबल आजबाट संचालन हुने भएको छ ।
प्रतियोगिता नपाको आयोजनामा आजबाट देखि कार्तिक १८ गते सम्म संचालन हुने भएको हो ।
आजको पहिलो खेल समूह “क” बाट वडा नं ६ र ९ का बिच दिनको १ बजे हुनेछ भने दोस्रो खेल समूह”ख” बाट वडा नं ३ र ४ का बीच दिनको ३ बजे हुनेछ ।
प्रतियोगितामा नपाका १० वटै वडाको सहभागिता रहने छ । प्रतियोगिताको अन्तिम खेल कार्तिक १८ गते हुनेछ ।
प्रतियोगितामा विजेता टीमलाई प्रथम पुरस्कार नगद रु. १,००,०००/-, ट्रफी, मेडल र प्रमाणपत्र , दोश्रो पुरस्कार नगद रु. ५०,०००/-, ट्रफी, मेडल र प्रमाणपत्र ,तेश्रो पुरस्कार: नगद रु. २५,०००/-, मेडल र प्रमाणपत्र र चौथो पुरस्कार नगद रु. १५,०००/-, मेडल र प्रमाणपत्र प्रदान गरिनेछ ।
