“तेस्रो पाख्रीबास कप २०८०” , आयोजक युथ युनाइटेड फाइनलमा प्रबेश
धनकुटा । धनकुटाको पाख्रिबासमा मंसिर ६ गतेबाट “स्वास्थ्यका लागि खेलकुद,राष्ट्रका लागि खेलकुद” भन्ने नाराका साथ पाख्रीबास युथ युनाइटेडको आयोजनामा संचालन भइरहेको “तेस्रो पाख्रीबास कप फुटबल” मा आज सेमिफाइनलका खेलहरु सम्पन्न भएका छन् ।
भर्खरै सम्पन्न आजको दोस्रो सेमिफाइनल खेलमा आयोजक टीम युथ युनाइटेड एपीएफ पकालीलाई ०-१ गोल अन्तरले पराजित गर्दै फाइनलमा प्रबेश गरेको छ ।
खेलको पहिलो हाफमा दुबै टीमबाट कुनै गोल हुन नसकेपनि दोस्रो हाफमा आयोजक टीमले एपीएफ पकालीका बिरुद्द १ गोल गर्दै निर्णयक गोल गरेको थियो ।
प्रतियोगिताको अन्तिम दिन भोलि पाख्रीबास कप २०८० का लागि आयोजक टीम र धनकुटा फुटबल क्लवका बीच प्रतिष्पर्धा हुनेछ ।
