भोजपुरको हतुवागढीमा आगलागी हुंदा ३ जना बालबालिकाको मृत्यु
भोजपुर, चैत्र ४ । भोजपुरको हतुवागढी गाउँपालिका-७ पिप्ले स्थितमा आगोलागीबाट ३ जना बालबालिकाको मृत्यु भएको छ ।
हिजो साँझ पौने ७ बजे घरमा कोही नभएको अवस्थामा अचानक गाईगोठमा आगोलागी हुँदा खेल्दै गरेका एका घरको दाजुभाईका ३ जना बालबालिको मृत्यु भएको हो ।
मृत्यु हुनेहरुमा सोही स्थान बस्ने केदार कार्कीको ५ वर्षिय छोरा प्रनिष कार्की, रमेश कार्कीको ७ वर्षिया छोरी दिप्सिका कार्की र दिप्सिकाकै भाई ३ वर्षिय दिउनिस कार्की रहेका छन् ।
घटना सम्बन्धमा प्रहरीले थप अनुसन्धान भईरहेको जिल्ला प्रहरी कार्यालय भोजपुरले जनाएको छ ।
