एमाले केन्द्रीय कार्यालयको प्रधानमन्त्री ओलीले गरे शिलान्यास
काठमाडौं । नेकपा एमालेका अध्यक्ष एवं प्रधानमन्त्री केपी शर्मा ओलीले पार्टीको नयाँ भवनको शिलान्यास गरेका छन्।
प्रधानमन्त्री ओलीले कीर्तिपुर नगरपालिका–२ मा मदन भण्डारी स्मृति भवनको नाममा रहेको जग्गामा पार्टी कार्यालयको शिलान्यास गरेका हुन्।
काठमाडौं कलंकी–तीनथानानजिकै १० देखि १२ रोपनी क्षेत्रफल जग्गामा केन्द्रीय कार्यालय भवन बन्नेछ ।
ललितपुरको च्यासलस्थित पार्टी कार्यालयमा बाढीको सामना गरेको नेकपा एमालेले नयाँ भवन निर्माण गर्ने भएको हो ।
बिहीबार पार्टी केन्द्रीय कार्यालय च्यासलमा बसेको पार्टीको सचिवालय बैठकले स्थायी रूपमा भवन निर्माण गर्ने निर्णय गरेको थियो ।
