धनकुटाको विश्रान्तीमा पहिलो पटक शिव महापुराण आयोजना हुने
धनकुटा,२३ कार्तिक । धनकुटाको मुलघाटमा आगामी फागुन ४ गतेदेखि ११ गतेसम्म पहिलो पटक शिवमहापुराण आयोजना हुने भएको छ ।
विश्रान्ति मन्दिर परिसरमा सञ्चालन हुने उक्त धार्मिक अनुष्ठान परमादरणीय जगतगुरु अनन्त श्री विभूषित श्री बालसन्त मोहन शरण देवचार्य महाराज बाट उद्घाटन हुने आयोजकले जनाएको छ । आज धनकुटामा एक कार्यक्रममार्फत विश्रान्ति मन्दिर व्यवस्थापन समितिका अध्यक्ष शारदाप्रसाद मिश्रको संयोजकत्वमा शिव महापुराण समारोह मूल आयोजक समिति गठन गरिएको छ ।
समितिले विभिन्न उपसमितिहरूको पनि गठन गरेको छ । जसले व्यवस्थापन, सुरक्षा, प्रचार र अन्य आवश्यक व्यवस्थापनका जिम्मेवारीहरू सम्हाल्ने विश्रान्ति मन्दिर व्यवस्थापन समितिका महासचिव जर्नाधन घिमिरेले जानकारी दिए । धनकुटा सहित विभिन्न जिल्लाका भक्तजनहरु उत्साह र श्रद्धाका साथ यस कार्यक्रममा भाग लिने विश्वास विश्रान्ति मन्दिर व्यवस्थापन समितिको रहेको घिमिरेको भनाई छ ।
विश्रान्तीमा यस प्रकारको शिवमहापुराण लगाइएको पहिलो पल्ट हो ।
