पाख्रिबासमा एक दिने वृहत नि:शुल्क स्वास्थ्य शिविर सञ्चालन हुने
धनकुटा । धनकुटाको पाख्रिबासमा एक दिने वृहत नि:शुल्क स्वास्थ्य शिविर सञ्चालन हुने भएको छ ।
पाख्रिबास नगरपालिकाको आयोजना र विजयपुर हस्पिटल प्रा.लि धरान सुनसरीको प्राविधिक सहयोगमा पाख्रिबास नपा ४ स्थित आधारभूत अस्पतालमा मंसिर २९ गते शनिवारका दिन उक्त शिविर संचालन हुने भएको हो ।
शिविरमा वरिष्ठ फिजिसियन सेवा ,हाड जोर्नि विशेषज्ञ सेवा ,जनरल सर्जन सेवा ,प्रसुति तथा स्त्री रोग विशेषज्ञ सेवा ,नवजात शिशु तथा बाल रोग विशेषज्ञ ,आँखा रोग विशेषज्ञ सेवा र दन्त रोग विशेषज्ञ सेवा प्रदान गरिने प्रमुख प्रशासकिय अधिकृत पुरुषोत्तम ढकालद्वारा हस्ताक्षरित सूचनामा उल्लेख छ ।
बिरामी दर्ता बिहान ९ बजेदेखि द्उंसो १ बजेसम्म र बिरामी जाँच बिहान १० बजे देखि ३ बजेसम्म हुने जनाइएको छ ।
