सहिदभूमिमा संचालित एकीकृत घुम्ती शिविर अन्तर्गत ७ सय ८१ जनालाई स्वास्थ्य सेवा प्रदान गर्दै सम्पन्न
धनकुटा । धनकुटाको सहिदभूमि गाउँपालिकाले सञ्चालन गरेको एकीकृत घुम्ती शिविर अन्तरगत ७ सय ८१ जनामा स्वास्थ्य सेवा प्रदान गर्दै सम्पन्न भएको छ ।
फागुन २० देखि २६ गते सम्म पालिकाको ७ वटै वडामा सञ्चालन गरेको शिविरमा ७ सय ८१ जनाको स्वास्थ्य जांच तथा ओैषधि वितरण गरिएको स्वास्थ शाखा प्रमुख फकिर महाेमत्तले जानकारी दिनुभयो ।
जसअनुसार ईसिजि १ सय ३५ जना, वपिडि ६ सय ३७ , आँखा ३ सय ३६ जनामा जाँच गर्दा १सय ९ जनामा माेतिबिंदु देखिएको छ ।भिआईए पाठेघर ,मुखको क्यान्सर ईस्क्रिनिङ ४५ जना , रिङ्ग पेसरी ९ जना , मधुमेह सुगर टेस्ट २ सय १३ जना , ल्याब टेस्ट ४२ जनालाई स्वास्थ सम्बन्धि पर्मर्श तथा जाँच गर्दै ओैषधि वितरण गरेको स्वास्थ्य शाखाले जनाएको छ ।
यस्तै अपांग कार्ड वितरण तर्फ १२ जनालाई वितरण गरिएको छ । वितरण कार्ड राताे १ ,नीलाे ७ ,पहेँलो २ ,सेताे २ जनालाई वितरण गरिएकाे छ । यस्तै कान तर्फ १ सय ८१ जनाकाे जाच गरिएको छ।
