इजरायली सेनाले बिधार्थी निकालेर बन्द गरिदियो प्यालेस्टाइनका तीन बिधालय
गाजा, २६ बैशाख । संयुक्त राष्ट्र एजेन्सी (युएनआरडब्लुए) द्वारा गाजामा सञ्चालित तीन विद्यालय इजरायलले बन्द गरिदिएको छ ।
इजरायली सशष्त्रधारीले उनीहरूको कब्जामा रहेको पूर्वी जेरुसेलमका तीन बिधालय बन्द गर्न बाध्य पारेका हुन् ।
बिहीबार बिहान कक्षा सुरु भए लगत्तै सयौं प्यालेस्टिनी विद्यार्थीहरूलाई शुआफत शरणार्थी शिविरमा रहेको विद्यालयहरूबाट घर फिर्ता पठाइएको थियो।
युएनआरडब्लुएका कमिश्नर जनरल फिलिप लाजारिनीले इजरायली अधिकारीहरूले बालबालिकालाई सिक्ने आधारभूत अधिकारबाट वञ्चित गरेको र उनीहरूले अन्तर्राष्ट्रिय कानूनको स्पष्ट उपेक्षा गरेको आरोप लगाएका छन्।
युएनआरडब्लुएमा इजरायली प्रतिबन्ध यस वर्षको सुरुमा लागू भएको थियो । र, इजरायलले एजेन्सी माथी हमास घुसपैठ गरेको आरोप लगाउँदै आएको को छ। तर, युएनआरडब्लुए इजरायलको यो आरोप अस्वीकार गर्दै निरन्तरता निष्पक्षतामा जोड दिइरहेको छ ।
इजरायली सेनाले बाहिर पठाए पछि शुआफतको एउटा विद्यालयको बाहिर स्कुले ड्रेसमा रहेकी छात्राहरूले एकअर्कालाई अँगालो हालेको भिडियो बाहिर आएको छ । विद्यालयको पर्खालमा तोकिएको बन्द गर्ने आदेशमा यस्तो लेखिएको छ– ‘शिक्षण संस्था सञ्चालन गर्न, शिक्षक, शिक्षक वा अन्य कुनै कर्मचारीलाई काममा लगाउन निषेध गरिने छ र यस संस्थामा विद्यार्थी राख्न वा विद्यार्थीलाई प्रवेश गर्न निषेध गरिएको छ।’
युएनआरडब्लुएका अनुसार सो बिधालयमा ६ देखि १५ वर्ष उमेरका ५५० भन्दा बढी विद्यार्थीहरू अध्ययनरत थिए । उसका अनुसार सो बिधालयका एक कर्मचारीलाई हिरासतमा राखिएको छ ।
राष्ट्र संघीय एजेन्सीका अनुसार इजरायली पुलिसहरूलाई पूर्वी जेरुसेलमका अन्य तीन विद्यालयहरूमा पनि तैनाथ गरिएको थियो । त्यहाँवाट पनि प्यालेस्टाइनी विद्यार्थीहरूलाई घर पठाएका थिए ।
‘विद्यालयमा हमला गर्नु र उनीहरूलाई जबरजस्ती बन्द गर्नु भनेको अन्तर्राष्ट्रिय कानूनको घोर अवहेलना हो,’ फिलिप लाजारिनीले सामाजिक सञ्जाल एक्समा लेखेका छन, ‘यी विद्यालयहरू संयुक्त राष्ट्र संघको माताहातमा सञ्चालित हुन् ।’
उनले थपे, ‘गत महिना जारी गरिएको बन्द आदेशहरू पुनः लागू गरेर इजरायली अधिकारीहरूले प्यालेस्टिनी बालबालिकालाई उनीहरूको शिक्षाको आधारभूत अधिकार खोसेका छन्, युएनआरडब्लुए विद्यालयहरू बालबालिकाको सम्पूर्ण पुस्ताको सुरक्षाको लागि खुला रहनुपर्छ।’
इजरायलको नियन्त्रणमा नभएको वेस्ट बैंकका केही भागहरू सञ्चालन गर्ने प्यालेस्टिनी प्राधिकरणले इजरायलको यो कदम बालबालिकाको शिक्षाको अधिकारको उल्लंघन भएको बताएको छ।
जेरुसेलममा रहेको बेलायती वाणिज्य दूतावासले युके, ईयू, नर्वे, स्विट्जरल्याण्ड, टर्की र जापानले युएनआरडब्लुए विद्यालयहरू विरुद्ध जारी गरिएको बन्द आदेशको कडा विरोध गरेकोका छन । र, विद्यार्थी, अभिभावक र शिक्षकहरूसँग ऐक्यबद्धता रहेको जनाएका छन ।
