पीएसजी समर्थकद्दारा पेरिसमा तोडफोड, ३०० बढी पक्राउ
पेरिस, १८ जेठ । च्याम्पियन्स लिगको फाइनल पछि पेरिसमा दंगा भएको छ ।
पेरिस सेन्ट जर्मेन (पीएसजी) का फ्यानहरूले आफ्नो क्लबको जितको उत्सव मनाए पछि प्रहरीसँगको भएको झडपपछि पेरिसमा सयौं व्यक्तिलाई पक्राउ गरिएको बीबीसीले जनाएको छ ।
शहरको च्याम्प्स एलिसिज एभिन्यू र पिएसजीको पार्क डेस प्रिन्सेस स्टेडियम नजिकै झडप भएपछि अधिकारीहरूले लगभग ३०० जनालाई गिरफ्तार गरिएको हो । जहाँ लगभग ५० हजार मानिसहरूले म्युनिखमा इन्टर मिलान विरुद्ध ५–० को जित ठूला स्क्रिनमा हेरे पछि सो झडप सुरू भएको हो ।
सो अनिन्यत्रित भीडका कारण आतिशबाजीहरू बन्द गरिएको थियो भने बस आश्रयहरू तोडफोड गरियो र अराजक उत्सवहरूको बीचमा कारहरू जलाउने काम भएको थियो ।
पीएसजीले आफ्नो इतिहासमा पहिलो पटक युरोपेली क्लब फुटबलमा सबैभन्दा ठूलो पुरस्कार जित्दा यो अराजकता मच्चिएको हो ।
धेरैजसो फ्यानहरूले सडकमा गीत गाएका थिए भने आफ्नो कारको हर्न बजाएर शान्तिपूर्ण रूपमा उत्सव मनाए। एफिल टावरमा पिएसजीको नीलो र रातो रंगहरु सँग उज्यालो बनाइएको थियो । तर, अचानक हिंसा भडकिन पुगेको हो ।
