धनकुटाको पाख्रीबास ९ मा जेष्ठ नागरिक सम्मान तथा स्वास्थ परीक्षण कार्यक्रम सम्पन्न
धनकुटा । धनकुटाको पाख्रीबास नगरपालिका वडा नं ९ मा जेष्ठ नागरिक सम्मान तथा स्वास्थ परीक्षण कार्यक्रम सम्पन्न भएको छ ।
वडा कार्यलयले एक कार्यक्रमका बिच बिहिवार ७० वर्ष माथिका जेष्ठ नागरिकको स्वास्थ्य परिक्षण तथा थर्मस र हर्लिक्स प्रदान गर्दै सम्मान गरेको हो । उक्त सम्मान तथा स्वास्थ परिक्षण कार्यक्रममा वडा भित्रका सय जना भन्दा बढी जेष्ठ नागरिकको स्वास्थ्य परिक्षण गरि १/१ थान थर्मस र एक-एक बट्टा हर्लिक्स प्रदान गरेको वडा अध्यक्ष सम्झना आलेले जानकारी दिनु भयो ।
सो कार्यक्रम उपमेयर नम्रता गौतमको प्रमुख आतिथ्यमा सम्पन्न भएको थियो भने कार्यक्रममा कार्यपालिका सदस्य सीता धमला , वडासदस्य पहलमान घिसिङ , मदनकुमार आलेको उपस्थिति रहेको थियो ।
कार्यक्रमको सञ्चालन वडा सचिव अनिल तिम्सिनाले गरेका थिए ।
