धनकुटामा रास्वपाको हस्ताक्षर संकलन अभियान जारी,आज छथर जोरपाटीमा ४ सय ३१ जनाले गरे हस्ताक्षर
धनकुटा,३२ असार । राष्ट्रिय स्वतन्त्र पार्टी धनकुटाले पनि जिल्लामा हस्ताक्षर संकलन अभियानलाई तिब्रता दिएको छ ।
जस अन्तर्गत आज छथर जोरपाटीको सिंधुवा बजार क्षेत्रमा अभियान संचालन गरेको छ ।
रास्वपा धनकुटा जिल्ला समिति,पाख्रीबास नगर समिति पदाधिकारी र छथर जोरपाटीका सक्रिय कार्यकर्ताहरुको संयुक्त सहकार्यमा संचालन गरिएको अभियानमा ४ सय ३१ जनाले स्वत स्फुर्त रुपमा अभियानलाई साथ दिंदै हस्ताक्षर गरेको रास्वपा पाख्रीबास नगर समितिका विभागिय संगठन प्रमुख बिष्णु बिक्रम निरौलाले जानकारी दिए ।
अभियानमा प्रदेश विभागिय सदस्य शम्भु पाण्डे,बिक्रम भट्टराई,जिल्ला सचिव तथा विभागिय प्रमुख भुवन थापा,जिल्ला सदस्य रुद्र राउत,पाख्रीबास नगर समिति सभापति मणि भुजेल,सचिव बिदुर न्यौपाने,संगठन विभाग प्रमुख निरौला लगायतको सहभागिता रहेको थियो ।
यसअघि पाख्रीबास नगर क्षेत्र भित्र २ हजार २३ जनाले अभियानमा हस्ताक्षर गरिसकेको छ ।
रास्वपाले भोलि साउन १ गते धनकुटाको धनकुटा नगरपालिका १ हिले बजारमा डेस्क राखेर अभियान संचालन गर्ने पनि जनाएको छ ।
