हिमलायन शेर्पा विरुद्ध पुलिसको सहज जित
काठमाडौं । विभागीय टोली नेपाल पुलिस क्लबले एन्फा यु-१६ युथ लिगमा बिहीबार हिमायलन शेर्पा क्लबविरुद्ध ३० को सहज जित निकालेको छ ।
जितसँगै १२ खेलमा ३१ अंक जोडेको पुलिस शीर्ष स्थानमा कायम छ । पराजित हिमालयन शेर्पा १४ अंकका साथ १०औं स्थानमा छ ।
सातदोबाटोस्थित एन्फा मुख्यालय मैदानमामा पुलिसलाई जित दिलाउन समीर कुमारले दुई तथा दिपसन पाण्डेले गोल गरे ।
खेलको ३१औं मिनेटमा दिपसनको गोलमार्फत पुलिसले अग्रता लिएको थियो । सात मिनेट पछि नै समीरले टोलीको अग्रता दोब्बर बनाए ।
समीरले ६७औं मिनेटमा गोल गर्दै पुलिसलाई सहज जित दिलाए ।
