धनकुटाको बसपार्कमा यात्रु सहायता कक्ष स्थापना
धनकुटा, ९ असोज । दसैं तिहार आएसँगै धनकुटामा यात्रु सहायता कक्ष स्थापना गरिएको छ ।
चाडपर्वको समयमा यात्रुको अत्याधिक चाप हुने हुदाँ यात्रुलाई सहज रुपमा गन्तव्यसम्म पु¥याउँन सहयोग गर्ने उद्येश्यले धनकुटाको बसपार्कमा यात्रु सहायता कक्ष स्थापना गरिएको छ ।
चाडपर्व आए संग यात्रुसँग बढी भाडा लिने, जोखिमपूर्ण यात्र गराउँने, लामो रुटका यात्रु भेटे छोटो रुटका यात्रु ओर्राल्ने जस्ता समस्या आउन सक्ने भएकोले त्यसको व्यावस्थापन र यात्रुहरुको सहज यात्राका लागि सहायता कक्ष स्थापना गरेको जिल्ला प्रहरी कार्यलय धनकुटाका प्रमुख सरत कुमार थापा क्षेत्रीले बताए ।
यात्राको क्रममा यात्रुसँग बढी भाडा लिने, जोखिमपूर्ण यात्र गराउँने जस्ता कार्य भए प्रहरी लाई जानकारी गराउन अनुरोध समेत प्रहरीले गरेको छ ।
