पाँचथरको कार्तिके नजिकै तमोर नदी किनारमा गाडी दुर्घटना,ठुलो क्षतिको आशंका
पाँचथर । पाँचथरको कार्तिके नजिकै तमोर नदी किनारमा आज बिहान गाडी दुर्घटना भएको छ।
प्रत्यक्षदर्शीका अनुसार, सडकबाट गाडी खसेपछि घटनास्थलमा ठूलो संख्यामा स्थानीय भेला भएर उद्धार कार्यमा जुटिरहेका छन्।
स्थानीय सागर ढकालले उद्धारका लागि तत्काल हेलिकप्टर वा एम्बुलेन्स पठाउन आग्रह गरेका छन्। उनका अनुसार घटनास्थल जोखिमपूर्ण क्षेत्रमा भएकाले उद्धार चुनौतीपूर्ण बनेको छ।
दुर्घटनामा मानवीय क्षति ठूलो हुने आशंका गरिएको छ।
जिल्ला प्रहरी कार्यालय पाँचथरले घटनापछि प्रहरी टोली परिचालन भइसकेको र थप विवरण संकलन भइरहेको जनाएको छ।
