धनकुटा सहिदभूमिका एक जनाको करेन्ट लागेर उपचारका क्रममा मृत्यु
धनकुटा,२० असोज । धनकुटामा करेन्ट लागेर उपचारका क्रममा एक जनाको मृत्यु भएको छ ।
मृत्यु हुनेमा जिल्लाको सहिदभूमि गाउंपालिका २ का ६४ बर्षिया सोमशेर माया राई रहेका छन् ।
गत असोज १६ गते मोबाइल फोनलाई चार्ज बाट निकाल्ने क्रममा बायां हातमा करेन्ट लगी घाईते भएकी राईलाई सोहि दिन स्थानिय स्वास्थ्य चौकीमा उपचारपछि घर फर्केकोमा आज पुन: स्वास्थ्यमा समस्या देखा परेपछि उपचारका लागि जिल्ला अस्पताल धनकुटा ल्याइएको थियो ।
राईको आज उपचारकै क्रममा जिल्ला अस्पताल धनकुटाको चिकित्सकले मृत घोषणा गरेको जिल्ला प्रहरी कार्यालय धनकुटाका प्रवक्ता डीएसपी राजन कार्कीले जानकारी दिए ।
मृतक राईको कानुनी प्रकृया पूरा गरि पोस्ट्मार्टम पश्चात मृतकको आफन्तले लास बुझी लगेको डीएसपी कार्कीले बताए ।
