साँगुरीगढीमा रिङरोड सरसफाई सम्पन्न
हिराराज राई, धनकुटा । धनकुटा जिल्लाको साँगुरीगढी गाउँपालिका–८ अन्तर्गत तरिटोल, तातोपानी र खुँडी क्षेत्रको रिङरोड सरसफाई कार्य सम्पन्न भएको छ।
सृजनशील युवा क्लवको अगुवाइमा गरिएको उक्त सडक सरसफाई अभियानले असोज १८ र १९ गतेको अविरल वर्षाका कारण अवरुद्ध बनेको सडकलाई पुनः सञ्चालनमा ल्याएको छ। क्लवका अध्यक्ष तिकाराम राईका अनुसार निरन्तर वर्षाका कारण सडकमा माटो, ढुंगा र झार–झुँडी थुप्रिँदा यातायात आवागमन अवरुद्ध भएको थियो।
सडक सञ्चालनमा आएपछि स्थानिय बासिन्दा हर्षित बनेका छन्। अध्यक्ष राईले आगामी दिनमा पनि सरसफाई र सडक मर्मतमा निरन्तरता दिने प्रतिबद्धता जनाएका छन्।
