मोरंगको सुन्दरहरैचामा मोटरसाइकल दुर्घटना हुँदा एक जनाको मृत्यु, एक गम्भीर घाइते
मोरंग । मोरङको सुन्दरहरैचा–७ स्थित पूर्व–पश्चिम राजमार्गको मालती पुल छेउमा भएको मोटरसाइकल दुर्घटनामा एक जनाको मृत्यु भएको छ भने एक जना गम्भीर घाइते भएका छन्।
पश्चिमबाट पूर्वतर्फ जाँदै गरेको बुलेट मोटरसाइकलले बाटो काट्न लागिरहेको कुकुरलाई बचाउने क्रममा अचानक अनियन्त्रित भई सडकमा पल्टिँदा मोटरसाइकलका पछाडिबाट सवार ४६ वर्षीय चन्द्रमणि राईको उपचारका क्रममा मृत्यु भएको प्रहरीले जनाएको छ।
दुर्घटनामा मोटरसाइकल चालक ३२ वर्षीय पवन लिम्बू, स्थायी ठेगाना सुनसरी बराहक्षेत्र–९ राजावास, गम्भीर घाइते भएका छन्। प्रारम्भिक उपचारपछि उनको अवस्था गम्भीर भएकाले विराटनगर टिचिङ अस्पताल रेफर गरिएको छ।
दुर्घटनामा संलग्न मोटरसाइकल प्रहरीको नियन्त्रणमा रहेको छ। घटनाबारे थप अनुसन्धान भइरहेको प्रहरीले जनाएको छ।
