झापाको देउनियाँ खोलामा अवैध उत्खनन: तीन ट्याक्टर सशस्त्र प्रहरीको नियन्त्रणमा
झापा । भद्रपुर नगरपालिका–३ किचकबधस्थित देउनियाँ खोलाबाट अवैध रूपमा नदीजन्य पदार्थ उत्खनन गर्दै गरेको अवस्थामा तीन वटा ट्याक्टर सशस्त्र प्रहरीले नियन्त्रणमा लिएको छ।
सशस्त्र प्रहरी बल नेपाल, प्रस्तावित सीमा सुरक्षा गुल्म भद्रपुर र बिओपी पृथ्वीनगरबाट खटिएको टोलीले सोमबार साँझ बालुवा लोड गरिएको मे १ त ६०८१, मे १ त २४७५ र प्र–१–०१–००२ त ०९४६ नम्बरका तीन ट्याक्टर नियन्त्रणमा लिएको हो।
नियन्त्रणमा लिइएका ट्याक्टरहरू आवश्यक कानुनी कारबाहीका लागि मंगलबार भद्रपुर नगरपालिकामा बुझाइने सशस्त्र प्रहरीले जनाएको छ।
कोशी प्रदेशको आर्थिक ऐन–२०८२ अनुसार अवैध रूपमा नदीजन्य पदार्थ उत्खनन गर्ने ट्याक्टरलाई २५ हजार रुपैयाँ जरिवाना गर्ने प्रावधान रहेको छ।
