१६ वर्षीय एक किशोर बेपत्ता
बाजुरा । बाजुराका एक किशोर धनगढीबाट वेपत्ता भएका छन् । जिल्लाको बुढीनन्दा–७ का १६ वर्षीय लोकराज जैशी कैलालीको धनगढीबाट बेपत्ता भएका छम् ।
धनगढीको शिवनगरस्थित पञ्चोदय माद्यमिक विद्यालयमा कक्षा ८ मा अध्ययनरत रहेका जैशी मङ्सिर ९ गते कोठादेखि बेपत्ता रहेका छन् ।
लोकराज ९ गते दिउँसो १२ बजेतिर कोठाबाट साइकल लिएर गएको तर हालसम्म घर नफर्किएको बुढीनन्दा नगरपालिका वडा नं–७ का दाजु हेमराज जैशीले बताउनुभयो ।
उहाँले भननुभयो, “धनगढीको शिवनगरमा बहिनी र भाइसँग कोठामा बस्दै आएका थिए । बहिनी बिहान ट्युुसन पढ्न गएको बेला भाइ त्यसै कोठाबाट दिउँसो साइकल लिएर बेपत्ता भएका हो । अहिले धेरै ठाउँमा खोजी गर्यौै । तर कतै पनि फेला परेको छैन ।’’
अहिले जोकराजको खोजिकार्यका लागि प्रहरीलाई समेत खबर गरिसकेको र कसैले देखे वा भेटेमा नजिकको प्रहरी कार्यालय वा सम्पर्क नम्बर ९८६८१४३५९२ र ९७४९७२३९२५ मा खबर खरिदिन हुन आग्रह गरेको दाइ हेमराज जोशीले बताउनुभयो ।
जोशीको जेठा दाइ हेमराज, एक दिदी र आमा बुवा हुनुहुन्छ । आमा र दाइ घरमा खेतीपाती किसान गर्नु हुन्छ भने दिदी र लोकराज धनगढीमा अध्ययन गर्दै आउनु भएको थियो । बुवा उनीहरुको पढाइ खर्चका लागि लामो समयदेखि भारतमा नौकरी गरिरहनु भएको छ ।
