इलाममा लैङ्गिक हिंसाविरुद्धको १६ दिने अभियान अन्तर्गत सचेतनामूलक कार्यक्रम सम्पन्न
इलाम । इलामको देउमाई ९ मा लैङ्गिक हिंसाविरुद्धको १६ दिने अभियानअन्तर्गत सचेतनामूलक कार्यक्रम सम्पन्न भएको छ ।
वडाभरका सामुदायिक र सस्थांगत विद्यालयका विद्यार्थी र शिक्षकसमेतको सहभागितामा लैङ्गिक हिंसासॅग सम्बन्धित कार्यक्रम भएको हो।
वडाकै आयोजनामा भएको कार्यक्रमअन्तर्गत नवमी बजार क्षेत्रमा विभिन्न प्ले कार्डसहितको र्याली र वडाको सभाहलमा सचेतनामूलक कार्यक्रम सम्पन्न भएको स्थानीय विमल अधिकारीले जानकारी दिए ।
कार्यक्रममा देउमाई नगर उपप्रमुख तथा न्यायिक समिति संयोजक पविमाया राई, न्यायिक समितिकै डिमला राई, इलाका प्रहरी कार्यालय मङ्गलबारेका प्रतिनिधिलगायतले लैङ्गिक हिंसा, यसका प्रकार, अवस्था, समाधान, सजायलगायत विषयमा विद्यार्थी जानकारी गराए ।
