मोरङबाट लागू औषध गाँजा बेचबिखनमा संलग्न आमा छोरा सहित ३ जना पक्राउ
विराटनगर, पुस २५ गते । मोरङको इलाका प्रहरी कार्यालय रानीले लागू औषध गाँजा बेचबिखनमा संलग्न आमा छोरा सहित ३ जनालाई पक्राउ गरेको छ ।
भारत घर भई मोरङको विराटनगर महानगरपालिका-१५ स्थितमा कोठा भाडामा लिएर होटल संचालन गर्ने कबिता यादवले लागू औषध गँजा बेचबिखन गर्ने गरेको भन्ने विशेष सूचनाको आधारमा पुस २४ गते खटिएको प्रहरी टोलीले होटलबाट लुकाई छिपाई राखेको ७ किलो १८० ग्राम लागू औषध गाँजा बरामद गरे संगै बेचविखनमा संलग्न कबिता यादव उनको छोरा मुन्ना कुमार यादव र संलग्न मोरङको जहदा-१ का मंजित कुमार यादव समेतलाई पक्राउ गरेको हो ।
गाँजा सहित पक्राउ परेका उनिहरुको थप अनुसन्धान भईरहेको छ ।
