सुनसरीको वराहक्षेत्रमा हात्तीको आक्रमणबाट ७३ वर्षीया महिला घाइते
सुनसरी।वराहक्षेत्र नगरपालिका वडा नं. ३ स्थित नहडा क्षेत्रमा जंगली हात्तीको आक्रमणमा ७३ वर्षीया मैया विश्वकर्मा गम्भीर घाइते भएकी छन्।
स्थानीयका अनुसार शुक्रबार दिउँसो करिब १२:३० बजे नहडा चोकदेखि चतरा जाने सडक खण्ड नजिकै रहेको जंगलमा दाउरा काट्ने क्रममा अचानक हात्तीको आक्रमणमा परेकी हुन्।
हात्तीले आक्रमण गर्दा उनको खुट्टा र पाखुरामा गम्भीर चोट लागेको छ।यसैगरी सोही हात्तीले केही समयपछि बराहक्षेत्र नगरपालिका वडा नं. ३ देबीथान क्षेत्रमा बसोबास गर्ने आमा–छोरीमाथि पनि आक्रमण गरेको स्थानीयले बताएका छन्।
आक्रमणमा ३० वर्षीया पूजन विकलाई टाउकोमा गम्भीर चोट लागेको छ भने उनकी १३ वर्षीया छोरी रोजिना विक सामान्य घाइते भएकी छन्।
