विवादित अभिव्यक्तिप्रति स्वागत नेपालले प्रहरीसमक्ष मागे माफी
झापा । झापा–२ बाट राष्ट्रिय प्रजातन्त्र पार्टीका प्रतिनिधि सभा सदस्यका उम्मेदवार भद्रप्रसाद नेपाल (स्वागत नेपाल) ले आफ्नो विवादित अभिव्यक्तिप्रति प्रहरीसमक्ष माफी माग्नु भएको छ।
सामाजिक सञ्जालमार्फत समाजमा हिंसालाई प्रशय दिने र भ्रम सिर्जना गर्ने अभिव्यक्ति दिएको आरोपमा नेपाल प्रहरीको साइबर ब्यूरोले उहाँलाई नियन्त्रणमा लिएको थियो।
चुनावी प्रचार–प्रसारका क्रममा सामाजिक सञ्जालमा ‘जसले पृथ्वी नारायण शाहको विरोध गर्छ, त्यसको टाउको काटिन्छ, काट्नुपर्छ, म काट्न तयार हुन्छु’ भन्ने अभिव्यक्ति दिएपछि उहाँमाथि अनुसन्धान सुरु गरिएको थियो।
प्रहरीसमक्ष उपस्थित भई उक्त अभिव्यक्तिप्रति माफी माग्दै भविष्यमा यस्ता अभिव्यक्ति नदिने प्रतिबद्धता जनाउनु भएको बताइएको छ।
