मोरङको मिक्लाजुङमा दर्जनौँ युवा एमालेमा प्रवेश
मोरङ । मोरङको मिक्लाजुङ गाउँपालिका–४ मा विभिन्न राजनीतिक दल परित्याग गर्दै दर्जनौँ युवा तथा स्थानीय नेकपा (एमाले) मा प्रवेश गरेका छन्।
एमाले मोरङ–१ का प्रतिनिधिसभा उम्मेदवार घनश्याम खतिवडा, कोशी प्रदेश सांसद खड्गबहादुर बस्नेत, नेतृ सरला राईलगायतका नेताहरूले नवप्रवेशीलाई टीका र खादा लगाएर स्वागत गरे।
कार्यक्रममा बोल्दै उम्मेदवार खतिवडाले देशको समृद्धि, स्थायित्व र सुशासनका लागि एमालेको विकल्प नरहेको दाबी गर्दै युवाहरूको सक्रिय सहभागिताले पार्टी थप सशक्त बन्ने बताए। प्रदेश सांसद बस्नेतले मिक्लाजुङ क्षेत्रमा विकास र जनअपेक्षा पूरा गर्न एमाले प्रतिबद्ध रहेको उल्लेख गरे।
नवप्रवेशी युवाहरूले एमालेको नीति, नेतृत्व र विकासको दृष्टिकोणबाट प्रभावित भएर पार्टीमा आबद्ध भएको बताएका छन्।
