भोजपुरमा श्रम संस्कृति पार्टीका ध्रुवराज राई भन्दा एक हजार मतले पछि पर्दै एमाले सचिव शेरधन राई
भोजपुर । प्रतिनिधिसभा निर्वाचनको जारी मतगणनामा भोजपुरबाट उम्मेदवार बनेका एमालेका सचिव शेरधन राई १ हजार मतले पछि परेका छन् ।
उनलाई श्रम संस्कृति पार्टीका ध्रुवराज राईले पछि पारेका हुन् । ध्रुवले हालसम्म ६ हजार ९८५ मत ल्याउँदा सचिव शेरधन राईले ५ हजार ९१४ मत पाएका छन् ।
तेस्रो स्थानमा रहेका काँग्रेसका बालकृष्ण थापाले ३ हजार १९०, नेपाली कम्युनिस्ट पार्टीका अजम्बर राई काङमाङले ३ हजार ४९ मत र रास्वपाका रमेश ओझाले २ हजार ३०९ मत प्राप्त गरेका छन् ।
हालसम्म भोजपुरको अरुण, आमचोक, टेम्केमैयुङ, पौवादुम्मा गाउँपालिकाको र भोजपुर नगरपालिकाको वडा नम्बर १, २ र ३ को मत गणना सकिएको छ ।
