धनकुटाको हिलेमा रामनवमी कप भलिवल प्रतियोगिता सुरु, भोजपुरको राम प्रसाद राईको बिजयी सुरुवात
धनकुटा,चैत १० गते । धनकुटाको हिलेमा मंगलवारवाट १८ औ संस्करणको कोशी प्रदेश स्तरीय अन्तरपालिका रामनवमी कप भलिबल प्रतियोगिता सुरु भएको छ ।
हिले भलिवल क्वलको आयोजनामा हिले खेलमैदानमा भएको प्रतिगोगिताको उद्घाटन खेलमा भोजपुरको राम प्रसाद राई गाउँपालिका बिजयी भएको छ ।
राम प्रसादले भोजपुरकै हतुवागढी गाउँपालिकालाई १९—२५, २्५—२३, २४—२६, २५—०९, १५—१०को सेटले पराजित गरेको हो । प्रतियोगितामा हतुवागढी र राम प्रसाद राई सहित धनकुटाका पाख्रिवास नगरपालिका र महालक्ष्मी नगरपालिका, भोजपुरको अरुण, आमचोक गाउँपालिका र षडानन्द नगरपालिका, संखुवासभाको सभापोखरी गाउँपालिका गाउँपालिका तथा झापाको कन्काई नगरपालिका सहित ९ टिमको रहेका क्लवका अध्यक्ष संजिव तामाङले जानकारी दिनुभयो ।
प्रतियोगितामा विजेता टोलीले नगद २ लाख २ हजार २२२ रुपैयाँसहित ट्रफी, मेडल र प्रमाणपत्र प्राप्त गर्नेछ भने उपविजेताले नगद १ लाख १ हजार १११ रुपैयाँसहित ट्रफी, मेडल प्राप्त गर्ने छन् ।
प्रतियोगिता अन्तरगत फाइनल खेल रामनवमी अर्थात १३ गते हुने छ । हिलेमा रामनवमीमा २०५५ सालवाट भलिवल प्रतियोगिता सञ्चालन हुदै आएको छ ।
