धनकुटाको हिलेमा जारी रामनवमी कप भलिबल: सभापोखरी, पाख्रिवास र कन्काइ विजयी
धनकुटा,११ चैत । धनकुटाको हिलेमा १८ औ संस्करणको कोशी प्रदेश स्तरीय अन्तरपालिका रामनवमी कप भलिबल प्रतियोगिता सुरु भएको छ ।
हिले भलिवल क्वलको आयोजनामा हिले खेलमैदानमा भएको प्रतिगोगिताको उद्घाटन खेलमा भोजपुरको राम प्रसाद राई गाउँपालिका बिजयी भएको छ । राम प्रसादले भोजपुरकै हतुवागढी गाउँपालिकालाई १९—२५, २्५—२३, २४—२६, २५—०९, १५—१०को सेटले पराजित गरेको हो ।
प्रतियोगिता अन्तरगत बुधबार भएको पहिलो खेलमा संखुवासभाको सभापोखरी गाउँपालिकाले धनकुटाको महालक्ष्मी नगरपालिकालाई २५—१५, २५—१७ र २५—२३ को सोझो सेटले हराएको हो ।
त्यस्तै दोस्रो खेलमा धनकुटाको पाख्रिवास नगरपालिकाले भोजपुरको अरुण गाउँपालिकालाई २५—१८, २५—१९ र २५—१३ को सोझो सेटले हराउन सफल भयो । त्यस्तै तेस्रो खेलमा झापाको कन्काइ नगरपालिकाले भोजपुरको आमचोक गाउँपालिकालाई २१—२५, २५—२१ र २५—२० र २६—२४को सेटले पराजित गरेको क्लवका अध्यक्ष संजिव तामाङले जानकारी दिनुभयो ।
प्रगियोगिता अन्तरगत विहिबार सेमिफाइनल चरणका खेलहरु र शुक्रबार फाइनल खेल हुने छ । प्रतियोगितामा विजेता टोलीले नगद २ लाख २ हजार २२२ रुपैयाँसहित ट्रफी, मेडल र प्रमाणपत्र प्राप्त गर्नेछ भने उपविजेताले नगद १ लाख १ हजार १११ रुपैयाँसहित ट्रफी, मेडल प्राप्त गर्ने छन् ।
प्रतियोगितामा कोशी प्रदेशका ९ बिभिन्न पालिकाको सहभागीता रहेको छ । हिलेमा रामनवमीमा २०५५ सालवाट भलिवल प्रतियोगिता सञ्चालन हुदै आएको छ ।
