धनकुटाको पाख्रीबासमा नगर स्तरीय भलिबल प्रतियोगिता सुरु,उद्घाटन खेलमा पाख्रीबास १ र ५ बिजयी
धनकुटा,३० चैत । धनकुटाको पाख्रीबास नगरपालिका ४ स्थित सिमसार क्षेत्रमा नगर स्तरीय भलिबल प्रतियोगिता सुरु भएको छ ।
हिजो सम्पन्न उद्घाटन खेलमा दुई खेल सम्पन्न भएका छन् । जसमा पाख्रीबास नपा ६ र १ का बिच भएको खेलमा पाख्रीबास नपा १ र पाख्रीबास ५ र महालक्ष्मी नपा सालघारी बिच सम्पन्न खेलमा पाख्रीबास ५ बिजयी भएका छन् ।
प्रतियोगितामा समूह ‘क’ तर्फ पाख्रीबास नपा वडा नं ६,१,५,१०, महालक्ष्मी नपाका वडा नं ५ र १ साथै भोजपुरको आमचोक गाउंपालिका वडा नं ४ गरि ७ टीम र समूह’ख’ तर्फ पाख्रीबास नपा वडा नं ४,७ ,भोजपुरको षडानन्द नपा वडा नं १२,महालक्ष्मी नपा वडा नं ४,९, छथर गापा ४, भोजपुरको हतुवागढी गापा ९ गरि जम्मा १४ टीमको सहभागिता रहेको छ ।
पाख्रीबास नपाको आयोजना संचालन भइरहेको प्रतियोगितामा बिजेता टीमले नगद पुरस्कार रु ७५ हजार र उपबिजेता टीमले रु ५० हजार प्राप्त गर्नेछन् ।
प्रतियोगिता चैत २९ गतेबाट सुरु भइ बैशाख १ गते सम्पन्न हुनेछ ।
