नेपाल ‘ए’ लाई ओमानको २८९ काे प्रतिस्पर्धात्मक लक्ष्य
काठमाडौं, ९ बैशाख । नेपाल ‘ए’ लाइ ओमान राष्ट्रिय क्रिकेट टोलीले २८१ रनको प्रतिस्पर्धात्मक लक्ष्य दिएको छ ।
नेपाल विरुद्ध ५० ओभरको अभ्यास शृङ्खलामा ओमानले सो लक्ष्य प्रस्तुत गरेको हो । काठमाडौंस्थित माथिल्लो मुलपानी क्रिकेट मैदानमा ओमानले टस जितेर ब्याटिङ रोजेको थियो ।
निर्धारित ५० ओभरमा ९ विकेट गुमाएर ओमानले २८० रनको योगफल तयार गर्यो ।
ओमानका लागि मुजिबुर अलिले सर्वाधिक ७२ रनको अर्धशतकीय इनिङ खेले । उनले ८५ बलको सामना गर्दै ४ चौका र ३ छक्का प्रहार गरे । कप्तान जितेन्दर सिंह ४८ बलमा ५८ रनको अर्धशतकीय इनिङ खेल्दै पेभिलियन फर्किए ।
हषिर डपादार ४६, आशिष ओडारा २७ तथा विनायक शुक्ला २५ रनमा आउट हुँदा जितेन रामानन्दी १७ रनमा अविजित रहे । नेपाल ‘ए’ का लागि आकाश चन्दले ४, सन्तोष यादवले २ तथा शाहब आलम, शेर मल्ल र रशिद खानले समान १ विकेट लिए ।
